14 лютага 2009 года ў Нью-Ёрку Згуртаваньне Беларускай Моладзі ў Амэрыцы і Нью-Ёркскі аддзел БАЗА ладзяць дэманстрацыю з мэтай прыцягнуць увагу амэрыканскай грамадзкасьці і ўрада ЗША да небясьпечных крокаў прэзыдэнта Беларусі А. Лукашэнкі ў бок мілітарызацыі краіны. Заклікаем усіх Беларусаў ЗША зрабіць усё мажлівае, каб небясьпека страты Беларусьсю незалежнасьці не засталася незаўважная ў сьвеце. 

Мікіта Агароднік, ЗБМА: ''Дамовы ствараюць рэальную пагрозу таго, што беларусы, як гэта ўжо неаднаразова было, будуць гінуць абараняючыя чужыя інтарэсы.'' 

Кацярына Карначова, ЗБМА: ''Лічу, што 14 лютага ў Дзень Каханьня беларуская моладзь ЗША мусіць сабрацца на мітынг, каб сказаць міжнароднай супольнасьці, што сіла каханьня нашмат мацней за зброю і дыктатуру.''

Александра Макарук, ЗБМА: ''Кахайма нашую Краіну, будзьма салідарнымі! Не дазволім дыктатару гуляць чужымі жыцьцямі!'' 

3 лютага прэзыдэнты Беларусі і Расеі падпісалі пагадненьне аб стварэньні адзінай рэгіянальнай сыстэмы проціпаветранай абароны дзьвюх дзяржаваў. 4 лютага 2009 у Маскве былі падпісаныя дамовы аб Сілах Аператыўнага Рэагаваньня Дамовы Калектыўнай Бясьпекі. Гэтыя дамовы ствараюць пагрозу ўцягваньня беларускіх вайскоўцаў ў ваенныя канфлікты па-за межамі Беларусі. 

Адрас: 1 Centre Street (парк), New York, NY 10007, на Мангэтане, каб узяць удзел у мітынгу. Пачатак акцыі-а 12:00 апоўдні. Даезд падземкай N, R, W да станцыі City Hall; падземкай 4, 5, 6 да станцыі Brooklyn Bridge-City Hall; падземкай J да станцыі Chambers St. 

Дапамагай Нам Бог! Жыве Беларусь!